Thursday, September 3, 2009

Senator Noynoy Aquino will undergo retreat first before giving his decision



Matapos magbigay ng daan at suporta si Senator Mar Roxas sa kanyang kasama sa Liberal Party na si Senator Noynoy Aquino para sa tagtakbo nito sa pagkapangulo noong August 2 sa Club Filipino sa Green Hills San Juan ay nagbigay din ng kanyang press conference si Noynoy naman noong August 3 sa parehong lugar kung saan nagbigay ng statement si Mar ngunit hindi niya tuwirang sinabi na tatakbo siya sa 2010 Election.

Narito ang kumpletong statement ni Senator Noynoy Aquino sa kanyang press conference:

“Mga minamahal kong kababayan,

Kagabi, nasaksihan natin ang isang di-pangkaraniwang kaganapan. Sinabi ng aking matalik na kaibigang si Senador Mar Roxas na magsanib kami upang harapin ang napakalaking hamon upang baguhin ang ating lipunan. Umaapaw po ang paghanga at paggalang ko kay Mar sa kanyang pagsasaalang-alang ng kanyang personal na ambisyon para sa pagkakaisa ng aming Partido at para sa higit na mataas na mithiin na kapwa naming inaasam para sa ating Bayan.

Senator Roxas’ sacrifice is the finest example of selflessness that our nation sorely needs in these morally troubled times. Tulad po ng kanyang sinabi kagabi, kalimutan po muna natin ang ating mga sarili—dahil ang laganap na pagtingin sa pansariling kapakanan ang mismong ugat ng kasakiman at pagkakawatak-watak na sumisira sa ating lipunan.

Kasama po ako ni Mar sa mas malaking labang ito. At sana kasama rin namin ang bawa’t Pilipinong naniniwala sa angking kalinisan ng loob ng karamihan ng ating mga kababayan at naghahangad ng isang bansang tunay nating maipagmamalaki.

Ang usapin pong ito ay di tungkol sa akin o kay Mar. Ang mahalaga pong malaman ay kung kasama namin kayo sa misyon ng tunay na pagbabago. Hindi po madali ang misyong ito, dahil matindi ang kabulukang bumabalot sa ating lipunan. Ngunit hindi imposibleng makamit ang ating mga pinakamimithi para sa Pilipinas. At ito ay magsisimula sa bawa’t isa sa atin. Sa dakong ito, dapat pong tanungin natin ang ating mga sarili: handa rin ba akong mag-sakripisyo para sa bayan?

Sa mga nalalabing araw ng aming pagluluksa at pagdadalamhati sa pagpanaw ng aming mahal na ina, sisikapin ko pong taus-pusong sagutin ang katanugang ito. Sana maunawaan po ninyo ito.

This weekend, I will be going on a spiritual retreat. As I pray for discernment and divine guidance, I urge you to pray with me so that you too can assess your own readiness to take part in the difficult struggle ahead. We are in this together.

Anuman ang mangyari, tandaan po ninyo ito:

Nilabanan ng aking amang si Ninoy Aquino ang lahat ng katiwalian at pang-aabusong sumira sa ating bayan. Nang siya ay pinaslang, pinagpatuloy ng aking inang si Cory Aquino ang Laban para mapanumbalik ang ating demokrasya at ang dangal ng bawa’t Pilipino. Nakamit po nating muli ang ating kalayaan di lamang dahil sa sakripisyo ng aking ina, kundi dahil tumaya din ang milyon- milyong Pilipino.

Ngayong umaatras muli ang ating bayan patungo sa bangin ng kapahamakan, panahon muli upang manindigan! Panahon ding maghanda para sa isang mas mahaba at matinding Laban, kung saan walang bibitiw hanggang makamit natin ang pagbabagong ating hinahangad.
Hindi ko po tatalikuran ang hamong ito! Sana’y kasama ko kayong lahat sa Laban.

Maraming salamat po!”


Ngayong September 4 ay nakatakdang makipag usap si Noynoy sa isang kaalyado nila sa Davao at pagkatapos nito ay tutulak siya sa isang kumbento sa Zamboanga para mag-retreat at magdasal bago siya magdesisyon kung tatakbo siya sa 2010 Election kagaya ng kanyang inang si President Corazon Aquino noong snap election.

Hindi man tuwiran ang pagsabi niyang tatakbo siya ay sinabi naman ni Noynoy na hanga siya ang ginawang sakripisyo ni Mar. Ayon kay Noynoy ay sana daw ay kasama nila ni Mar ang taong bayan sa misyon nila ng tunay na pagbabago. Ayon naman sa kapatid nitong si Balsy Aquino na kapatid ni Noynoy na hayaan muna nila ito na makapag isip at hintayin matapos ang 40 days ni Tita Cory. Habang si Kris naman ay handing sumuporta sa kanyang kapatid na siyang pinangako nito sa kanyang ina na hindi nila iiwan si Noynoy.

At kung sakaling tumakbo man si Noynoy ay handang umatras si Gov Ed Panlillo para suportahan ito habang si Bongbong Marcos naman ay handang tulungan at suportahan si Noynoy.

Bookmark and Share

Subscribe to RSSPhotobucket

No comments:

Post a Comment

Twitter Delicious Facebook Digg Stumbleupon Favorites More

 
Design by Free WordPress Themes | Bloggerized by Lasantha Premium Blogger Themes | Best CD Rates | Seo Company | Seo Company Australia | Cheap Seo | Sports Live Stream | game cracks | Best Online Game | Download PC Games | List of Hobbies | Graffiti Styles